Mundua
URAKANAK
Dorian urakanak hainbat zuhaitz bota ditu Birjina Uharte Estatubatuarretan
AGENTZIAK | ERREDAKZIOA
Ekaitz tropikala 1. kategoriako urakana da orain, Saffir-Simpson eskalan.
-
Dorian urakanak Yabucoan (Puerto Rico) eragindako kalteak, 2019ko abuztuaren 28an. Argazkia: EFE.
130 kilometro orduko haizeekin, Dorianek hainbat zuhaitz bota ditu Birjina Uharte Estatubatuarretan, bertako hedabideek iragarri dutenez. Ekaitz tropikala 1. kategoriako urakana da orain, bost kategoria dituen Saffir-Simpson eskalan.
Datu ofizialen arabera, orain arte, ez dira kalte pertsonalik ezta materialik egon.
Estatu Batuetako Urakanen Zentroak 14:00 ordu lokalean (18:00 GMT) egindako buletinean adierazi duenez, urakan-haizeak jaso zituzten San Thomas uhartean. Ondorioz, uharte horretako Cyril E. King aireportua egun osoan itxita egon zen.
Birjina Uharte Estatubatuarretan, etxeratze-agindua 18:00ak arte ordu lokalean (22:00 GMT) ezarri zuten.
AEBko zentroak azken buletinean azaldu duenez, Dorian iparralderantz mugitzen ari da, eta indar handiko urakan bihur daiteke Puerto Ricotik aldentzen den bitartean.
