Maduroren Gobernuarekin elkarrizketei berrekingo diela iragarri du Guaidok

Venezuelan, Juan Guaido bere burua herrialdeko presidentetzat jotzen duen oposizioko buruak igande honetan iragarri duenez, oposizioko ordezkaritza bat Nicolas Maduroren Gobernuko ordezkariekin elkartuko da Barbados uharteetan.

"Usurpatzailea den erregimeneko ordezkariekin elkartuko gara Barbadosen, diktadurari irteera emango dion negoziazio bat irekitzeko", adierazi du oposizioko buruak Twitterreko bere kontuan.

#COMUNICADO: Estamos liderando el trabajo en todos los espacios que nos acerquen a la Libertad.

Tanto en Oslo, como en el Grupo Internacional de Contacto y todos los espacios de presión, nuestro objetivo es el mismo: lograr una solución definitiva a la crisis en nuestro país. https://t.co/bIfNzMJXql

— Juan Guaidó (@jguaido) 7 de julio de 2019

Dena den, Guaidok ez du argitu bilera hori noiz egingo den eta ezta bera bertan izango den ala ez. Azpimarratu duenez, beren helburuak lortzeko asmoz joango dira batzarrera: usurpazioa amaitzea, trantsizio gobernua ezartzea eta nazioarteko behatzaileak izango dituen hauteskunde "libreak" deitzea.

Bestalde, Enrique Iglesias Europar Batasunak Venezuelarako duen bidali berezia hartuko du Caracasen. Gaur bertan helduko da herrialdera, Venezuelako krisiari irtenbide baketsua bilatzeko asmoz.