AEBen ustez, baliteke Bin Laden hil izanak erasoak ekartzea

AEBetako Gobernuak alerta egoera ezarri du Bin Ladenen heriotza dela eta mundu osoan estatubatuarren kontrako "eraso bortitzak" izan litezkeelako. Atzerrian bizi diren hiritarrei, bereziki erasoak jasateko arrisku handiena duten lurraldeetan bizi direnei, "euren etxeetatik eta hoteletatik ez irteteko" eskatu die Estatu Departamentuak.

Hala, enbaxada guztiak alerta maila gorenean daude eta segurtasuna indartu arte itxita egotea eskatu dute.

Alerta gaurtik abuztuaren 1era arte egongo da indarrean. Atzerrian bizi diren estatubatuarrei albisteei adi egoteko eta senitartekoekin eta lagunekin harremanetan maiz jartzeko eskatu diete, onik dauden ala ez jakiteko.