Maduroren Gobernuari zigor gehiago ezartzeko eskatu dio Guaidok EBri

Juan Guaido Venezuelako Parlamentuko presidenteak Nicolas Maduroren Gobernuari zigor gehiago ezarri diezazkiola eskatu dio Europar Batasunari, boterea uzteko presio handiagoa egiteko.

"Europar Batasunari zigor gehiago eskatzen dizkiogu erregimenari presioa egiteko eta krisiari aurre egiteko", esan du oposizioko buruak Twitter bidez.

Halaber, Europako kontinentean izendatu dituen ordezkariak (Antonio Ecarri Venezuelako enbaxadorea Espainian, esaterako) "ahalik eta gehien legitimatu" ditzala eskatu die Guaidok EBko "aliatuei", trantsizioko gobernua "sendotzen laguntzeko".

"Europar Batasunaren babesa eskertzen dugu eta Madurori presioa egiten jarraitzeko beharra berresten dugu, bide humanitarioa zabaltzeko eta herriak bizi duen premia humanitarioa konpontzeko", esan du.

Bestalde, Limako Taldeak proposatutako bide orriari atxikitzeko eskatu dio EBri, "usurpatzeari amaiera emateko eta hauteskunde askeak deitzeko".

Por último, hacemos un llamado a la Unión Europea a que respalde e impulse los esfuerzos que hemos emprendido ante instancias nacionales y universales para juzgar los crímenes de lesa humanidad en Venezuela.

— Juan Guaidó (@jguaido) 12 de mayo de 2019

Venezuelaren krisi politikoa urtarrilean areagotu zen Madurok sei urteko agintaldi berria hartu zuenean, oposizioak ez baitu agintaldi hori onartzen, ezta nazioartearen zati batek ere. Ondorioz, Guaidok bitarteko presidente aldarrikatu zuen bere burua, 50 herriren babesarekin, AEBko Gobernuarenarenarekin, tartean.