Israeldarrek hiru palestinar hil dituzte tiroz, Itzuleraren Martxaren urteurrenean

Bi palestinar hil eta 316 zauritu ditu Israelgo Armasak larunbat honetan, Itzuleraren Martxa Handiaren urteurrenean. Erasoak Gazako zerrendan gertatu dira, bertako Osasun Ministerioak jakitera eman duenez.

Bestalde, atzo gaueko liskarretan zauritutako 21 urteko palestinarra hil egin da gaur goizean. Azken honi ere, israeldarrek tiro egin zioten.

Guztira, 40.000 pertsonak egin dute protesta larunbat honetan Gaza eta Israel arteko mobilizazioan. Esan bezala, Itzuleraren Martxa Handia izan dute gogoan.

Astero egin ohi dute protesta,eta Palestinako errefuxiatuak itzultzea eta 2007az geroztik zerrendan Israel egiten ari den blokeoari amaiera ematea aldarrikatzen dute.

Gaurko manifestazioetan mugatik gertu bildu dira manifestariak. Israelgo Armadak zabaldutako informazioaren arabera, lagun talde batek harriak jaurti, gurpilak erre eta lehergailuak bota ditu zerrendaren aurka.