Gutxienez 32 pertsona hil dira Guatemalan, kamioi batek harrapatuta

Guatemalan, gutxienez 32 pertsona hil dira asteazken honetan, kamioi batek harrapatuta, Interamericana deituriko errepidean. Hildakoen artean, haurrak daude.

Suhiltzaileek zabaldutako informazioaren arabera, harrapaketa Solola departamenduan gertatu da, Nahuala udalerrirako sarreran.

Bertako hedabideen esanetan, pertsona talde bat aurrez gertatu den beste istripu bat behatzen ari zen ibilgailu astun batek aurretik eraman dituenean. Hala ere, agintariek ez dute oraingoz zergatien inguruko bertsio ofizialik eman.

Biztanleek salatu dutenez, ezbehar eta harrapaketa asko gertatzen dira inguru horretan. Agintarien iritziz, Interamericana deiturikoa errepiderik arriskutsuenetakoa da.

Istripuaren berri izan ostean, Jimmy Morales Guatemalako presidenteak bere atsekabea adierazi du sare sozialetan, eta biktimei laguntzeko neurriak aztertzen ari direla aurreratu du.

Con mucho pesar lamento la tragedia ocurrida en el municipio de Nahualá, Sololá que ha dejado más de 30 fallecidos a causa de un accidente de tránsito. En estos momentos estamos coordinando acciones para brindar todo el apoyo a los familiares de las víctimas. Mi sentido pésame.

— Jimmy Morales (@jimmymoralesgt) 28 de marzo de 2019

Bestalde, Guatemalako Gobernuak hiru dolu egun izendatu ditu ostegunetik aurrera, harrapaketagatik.

COMUNICADO DE PRENSA. El gobierno de Guatemala lamenta profundamente la tragedia ocurrida en el municipio de Nahualá, Sololá que ha dejado más de 30 fallecidos a causa de un accidente de tránsito. pic.twitter.com/XwRkYJODAC

— CONRED (@ConredGuatemala) 28 de marzo de 2019

Aipaturiko komunikatu horretan, harrapatzeagatik atsekabea adierazi ez ezik, biktimen senideei "arreta guztia" eskaintzeko eta zaurituei osasun arreta emateko lanean ari direla nabarmendu du Gobernuak.