Venezuelara itzuliko da eta manifestazioak deitu ditu Guaidok astelehenerako

Juan Guaido, urtarrilaren 23an bere burua Venezuelako presidente izendatu zuen buruzagi opositorea Venezuelara bidean da, Latinoamerikan zehar egin duen bidaia amaituta, eta bere itzulera dela eta, manifestazioak deitu ditu astelehen honetarako.

"Venezuelako herriari dei egiten diot kontzentratu dadin, herrialde osoan, bihar 11:00etan (15:00 GMT). Adi sare sozial ofizialei, informazio guztia emango dugu eta" zabaldu du bere Twitter kontuan.

Argentinan, Paraguain, Kolonbian eta Brasilen izan ostean, Ekuador bisitatu du asteburu honetan, eta gaur, igandea, utzi du herrialde hori.

Juan Guaidok debekatuta zuen, berez, Venezuelatik ateratzea. Hala agindu zion Auzitegi Gorenak bere autoproklamazioagatik ikerketa ireki zionean, baina debekuari muzin eginez, Kolonbian agertu zen otsailaren 22an.

Asteburu honetan berriz ere dei egin die Venezuelako funtzionarioei protestetan parte har dezaten eta amnistia eskaini die Maduroren Gobernua babesteari uko egiten dieten polizia zein militarrei.