Venezuelak Defentsa Kontseilua jarri du martxan AEBren 'mehatxua' dela eta

Nicolas Maduro Venezuelako presidenteak martxan jarri du Nazioaren Defentsa Kontseilua AEBren "mehatxu inperiala" hitzekin definitu duenari aurre egiteko; izan ere, Asanblada Nazional Konstituziogilea abian jarriz gero, isun ekonomiko "handiak eta berehalakoak" jarriko dizkiola mehatxatu zuen Etxe Zuriak.

"Nazioaren Defentsa Kontseilua abian jartzea erabaki dut Konstituzioaren 323. akordioan oinarrituta, mehatxu inperialari erantzuteko (…) Erantzuna oso sendoa izango da, gure aberriaren Ondare historiko Antikolonialaren eta Antiinperialistaren defentsan", adierazi du Madurok Twitter bidez.

He decicidido activar el ConsejodeDefensadelaNación de acuerdo al 323 de la Constitución,para responder integralmente la amenaza Imperial...

— Nicolás Maduro (@NicolasMaduro) 18 de julio de 2017

Agintari venezuelarraren esanetan, atzerriko gobernuek ez diote Venezuelari agindurik emango, ezta gobernatuko ere.

A nuestra Patria no le da órdenes ni la gobierna ningún gobierno extranjero..Aquí Mandamos L@s Venezolan@s..Aquí Manda el Pueblo..Pendientes

— Nicolás Maduro (@NicolasMaduro) 18 de julio de 2017