Mundua
Zurrumurru faltsuak
agentziak
Marco Rubio senatari estatubatuarrak esan zuen Twitterren Leopoldo Lopez oso larri zegoela ospitalean; hori dela eta, Gobernu venezuelarrak bideoa publikatu du.
Leopoldo López
Venezuelako Gobernuak Leopoldo Lopez Borondate Popularra mugimendu politikoaren sortzailearen bideo bat zabaldu du, bizirik dagoela erakusteko, hainbat zurrumurruk ospitalean egoera larrian zegoela zabaldu eta gero. Leopoldo Lopez Ramo Verde espetxean dago, 2014ko otsailetik.
Lilian Tintori Lopezen emazteak "ospitale militarrerako bidean" zegoela iragarri zuen Twitter bidez, "Lepoldo ikusi ahal izatea eskatzeko". Behin heldu zenean, Tintorik berriz ere idatzi zuen bere senarra bertan ez zegoela esateko.
Diosdado Cabello Venezuelako Alderdi Sozialista Bateratuaren presidente ohiak, Venezuelako telebista ofizialean duen saioan, "isiltasuna" eskatu du, Lopezen irudiak jarri aurretik, bideoaren "soinua ona ez delako".
"Entzun egin behar duzue, Leopoldo Lopezek oraintsu egindako grabazio bat dudalako", esan du. Irudiotan, bideoa bizirik dagoela erakusteko egin duela azaltzen du oposizioaren kideak.
I have confirmed @leopoldolopez has been taken to a military hospital in #Venezuela in very serious condition.
— Marco Rubio (@marcorubio) 4 de mayo de 2017
Delcy Rodriguez Venezuelako Kanpo Arazoetarako ministroak errespetua eskatu dio Marco Rubio senatari estatubatuarrari, horrek Leopoldo Lopez ospitalean oso larri zegoela zabaldu ostean.
"Errespetua eskatzen dizut", Venezuelagatik eta hango hiritarrengatik. "zure ekintza kriminalak Venezuelari eta bakean bizitzeko eskubideari eraso egiten die", esan du Rodriguezek Twitterren.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa