ACNURek eta OIMek errefuxiatuak hartzen jarraitzeko eskatu dio AEBri

Nazio Batuen Errefuxiatu Agentziak (ACNUR) eta Migraziorako Nazioarteko Erakundeak (OIM) gatazketatik ihes egiten dutenak babesten jarraitzeko "tradizio luzeari" eusteko deia egin dio AEBri. Horrez gain, ez dute errefuxiatuen eta etorkinen iritsiera murrizteko politikari buruzko kritikarik egin.

"AEBk gatazketatik eta jazarpenetatik ihes egiten ari direnak babesteko izan duen lidergoa eta tradizioa mantendu dezan espero dugu", baieztatu dute bi erakundeek ohar batean.

Donald Trump AEBko presidenteak errefuxiatuak hartzeko programa 120 egunetan bertan behera uzteko agindu betearazlea sinatu zuen ostiralean, motibazio terroristak dituzten erradikalak iristea ekiditeko prozedura berrikusteko asmoz.

Era berean, Siriako errefuxiatu gehienei sarrera mugagabe debekatzeaz gain, gehiengo musulmana eta terrorismo aurrekariak dituzten zazpi herrialdetako biztanleek ezin izango dute bisarik lortu.

Nazio Batuen Erakundeko bi agentziek gogoratu dutenez, orain arte Washingtonek ezarritako politikak munduko pertsonarik ahulenetakok erreskatatzea ahalbidetu du, baita gizarte estatubatuarra "aberastea" ere.