Mundua
Ameriketako Estatu Batuak
AGENTZIAK | ERREDAKZIOA
Hollywoodeko Ospearen Pasealekuan hautagai errepublikarrak duen izarra larunbatean garbitu zuten.
Donald Trump AEBko presidente izateko hautagai errepublikarra. Artxiboko irudia: EFE
Svastika nazi bat margotu dute Donald Trump AEBko hautagai errepublikarrak Hollywoodeko Ospearen Pasealekuan duen izarraren gainean, The Wrap atariak berri eman duenez.
Ostiralean, Reddit plataformako erabiltzaile batek Donald Trumpen izarraren argazkia igo zuen eta espraiz margotutako svastika nazi bat ikus zitekeen. Dena den, larunbatean bertan garbitu zuten.
Arrazista izatea leporatzen diote Donald Trumpi, haren adierazpen polemikoak tarteko. Azaroan, Trumpek "Saturday Night Live" telebista saioan agertu behar zuela eta, Deport Racism atariak 5.000 dolar eskaini zituen aipaturiko programaren emisioa eten eta "Deportatu arrazismoa" edota "Trump arrazista da" oihukatzeagatik.
Bestalde, abuztuan, Jose Andre sukaldari hispano-estatubatuarrak lan harremanak hautsi zituen Trumpekin, hautagai errepublikarrak mexikarren kontra egindako komentario arrazistengatik.
rrazistengatik.2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa