Mundua
Errefuxiatuak Europan
Agentziak | Erredakzioa
Herrialdearen ekialdean dagoen Jahndorf herrian gertatu da erasoa. Abenduaren hasierara arte, horrelako 817 eraso izan dira Alemanian.
Errefuxiatuak, ilaran, Alemaniako harrera zentro batean sartzeko. EFE
30 laguneko talde batek harrika eraso dio errefuxiatuz beteta zegoen autobus bati. Erasoa Jahndorf herrian (Alemania ekialdea, Saxonia estatua) gertatu da.
Autobusa harrera zentro batera zihoala egin diote eraso, eta autobuseko leiho bat hautsi eta gidaria zauritu dute.
Aurten Jahndorf herrian izan dira errefuxiatuen kontrako eraso gehien.
Herxheim herrian (Alemania hego-ekialdea) ere, beste eraso bat izan zen atzo, asteko bigarrena, Poliziak baieztatu duenez.
Alemaniako Polizia Federalak Krimenak Ikertzeko duen Departamentuak joan den astean jakinarazi zuenez, abenduaren hasierara arte, errefuxiatuentzat paratutako harrera zentroen kontrako 817 eraso egon dira Alemanian, 2014n jazotakoen halako lau. Kasu gehienetan, talde ultraeskuindarrek eta xenofoboek egiten dituzte.
2015. urte honetan, milioi bat errefuxiatu hartu ditu Alemaniak, marka guztiak onduta.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa