Mundua
POLIZIA OPERAZIOA
AGENTZIAK | ERREDAKZIOA
Anadolu berri agentziak jakitera eman duenez, armatutako hainbat lagun bi autotan zihoazen, eta horietako bateko lau bidaiariak tiroz hil ditu Poliziak. Beste autoko bidaiariak ihes egitea lortu du.
Turkiako Poliziak Estatu Islamikoko ustezko lau kide hil ditu, tirokatuta, Gaiziantep probintzian, Turkian. Bi auto susmagarri ikusi dituzte Oguzeli herriaren inguruan, eta Poliziak horien aurkako operazioa abiatu du.
Anadolu berri agentziaren arabera, armatutako hainbat lagun zihoazen ibilgailuotan. Polizia atzetik zutela ohartu direnean, bi aldeen arteko tiroketa hasi da; ondorioz, autoetako batean zihoazen lau ustezko jihadista tokian bertan zendu dira. Beste ibilgailuko gidariak ihes egitea lortu du.
Siriako oposizioko hainbat talde armaturen babesleku bihurtu da azken urteotan Gaziantep. Antalyatik 600 kilometroa dago; hain zuzen, hiri horretan bilduko dira astelehen honetan munduko potentzia ekonomiko handienetako buruak, G20aren goi-bileran. Inoizko segurtasun neurri zorrotzenak ezarri dituzte.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa