10:40

Mundua

Errefuxiatuen krisia

Gutxienez 21 hildako bi itsasontzi hondoratuta, Greziako uretan

agentziak | erredakzioa

ACNURen arabera, dagoeneko 502.000 etorkin baino gehiago sartu dira Grezian 2015ean.

1:07
  • Whatsapp
  • Whatsapp
  • Bidali

Gutxienez 21 pertsona hil dira Kalymnos eta Rodas irla greziarren inguruan bi itsasontzi hondoratuta, eta baliteke jende gehiago egotea desagertuta.

Gaur goizaldean 100 pertsona baino gehiago zeramatzan egurrezko ontzi bat hondoratu da Kalymnos eta Kalolimnos irlen artean, eta beste bat jitoan atzeman dute Rodas iparraldean.

Salbamendu operazioetan 144 pertsona erreskatatu ahal izan dituzte, baina haizeak zaildu egin ditu erreskate lanak.

Hala eta guztiz ere, Greziako larrialdi zerbitzuetako langileak Lesbos irlaren iparraldean desagertu diren 30 pertsonaren bila ari dira, Turkiako kostatik oso gertu.

Hala, 16 hilotz aurkitu dituzte, haurrak tartean. Egurrezko ontzi batean zihoazen 300 pertsona inguru, eta 274 bizirik atera dira.

Yanis Muzalas Greziako Migrazio ministroak esan du errefuxiatuen irtenbidea Turkiatik etorri beharko litzatekeela, Greziara joaten diren itsasontzietako etorkinen trafikatzaileak bertakoak direlako.

ACNURen arabera, dagoeneko 502.000 etorkin baino gehiago sartu dira Grezian 2015ean.

Iruzkinak

    logo eitb nahieran
    NAHIERAN Ikusi berriro ETBko albistegiak NAHIERAN

    Bisitatuena

      Kargatzen ikusiena
      Kargatzen ikusiena