Mundua
Uztailaren 5ean
AGENTZIAK | ERREDAKZIOA
Erreferenduma onartzeko beharrezkoa den gehiengo osoa, aldeko 151 boto, aise lortu ditu Gobernuak.
Albisteak (2)
Bideoak (1)
Greziako Parlamentuak hartzekodunen akordio eskaintzaren inguruan erabakia hartzeko erreferenduma egitea onartu du goizaldean. Uztailaren 5ean izango da galdeketa.
Saio luzea izan dute Greziako Parlamentuan, eta goizaldean hartu dute erabakia. Legebiltzarkideek Alexis Tsipras lehen ministroaren proposamena babestea erabaki dute. Datorren igandeko erreferendumean troikaren baldintzak onartu edo ez erabaki beharko dute greziarrek. Greziaren jarraipena Eurogunean hartutako erabakiaren menpe egon liteke.
Erreferenduma onartzeko beharrezkoa den gehiengo osoa, aldeko 151 boto, aise lortu ditu Gobernuak. Egunsenti Urrekara muturreko alderdiak aldeko botoa eman du. Demokrazia Berria, PASOK eta To Potami Europaren aldeko alderdiek, berriz, aurkako botoa eman dute.
Galdeketaren deialdia Eurotaldeak adierazitako iritzien kontrakoa da, datorren igandera arte erreskatearen epea luzatzea ukatu baitu, presidente greziarrak eskatu bezala.
Syriza agintean dagoen alderdiak troikak egindako 'ultimatumaren' -hala deitu dio- aurka bozkatzea eskatu du; horren arabera, erreskatea bost hilabetez luzatzea eta 15.500 milioi euroko finantzazioa egiteko aukera dago, Greziak, "trukean", erreforma sorta onartuz gero.
Tsiprasek ohartarazi zuen bozketa baino lehen errefereduma egin, egingo dela Europako kideek "nahi ala ez". Diskurtsoan, presidente greziarrak esan zuen bere herrialdea ez dela "Europako bisitari bat", baizik eta eskubide guztiak dituen kidea.
Gainera, herriak aukeratu ahal izango du Europak egiten dituen "hertsadura eta estortsio" praktikarekin haustea. Tsipras, halaber, ziur agertu da emaitza 'ezetz' izango dela eta Greziak "demokrazia eta duintasun mezua bidaliko du Europara".
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa