Mundua
Washington-Habana akordioa
Erredakzioa
“Pauso positibo honi ongietorria egiten diogu eta konpromisoa betetzeko Kubako Gobernuaren erabakia txalotzen dugu”, azaldu du AEBetako Exekutiboaren iturri batek.
Roberto Hernandez Barrios disidente kubatarra. Artxiboko irudia: EFE
Agindutako 53 preso politikoak askatu ditu Kubak dagoeneko, AEBetako Gobernuaren iturriek baieztatu dutenez. Bi herrialdeen arteko harremanak normalizatzeko akordioan neurri edo konpromiso hori adostu zuten Habanak eta Washingtonek.
Iturriaren arabera, preso politiko guztiak askatu dituela baieztatu die Kubako Gobernuak eta AEBek Habanan duten Ordezkaritzak ?egiaztatu? ahal izan du.
?Pauso positibo honi ongietorria egiten diogu eta konpromisoa betetzeko Kubako Gobernuaren erabakia txalotzen dugu?, azaldu du AEBetako iturriak.
?Preso politikoak nazioartean babestutako askatasunak gauzatzeagatik espetxeratu zituzten edo Kuban erreforma sozialak eta politikoak sustatzeagatik, gobernuz kanpoko erakundeek salatu dutenez?, erantsi dute AEBetako iturriek.
Baldintza
AEBen eta Kubaren arteko harreman diplomatikoak normalizatzeko baldintza zen 53 presoak aske uztea, Washingtonek azaldu duenez. Bost hamarkada bi herrialdeen harreman diplomatikoak izozturik egon dira eta Washingtonek Habanari ezarritako blokeoak indarrean jarraitzen du.
Hasiera batean, Alan Gross AEBetako kontratista aske uztea ahalbidetu zuen akordioak, baita hiru espioi kubatar Habanari entregatzea ere; oraindik AEBetan preso zeudelako. Gross ekintza iraultzaileengatik zigortu zuten Kuban.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa