Zigorren aurkako 'erantzun-neurriak prestatzea' agindu du Putinek

Vladimir Putin Errusiako presidenteak hiriaren aurka ezarritako zigorrei “erantzun-neurriak prestatzea” eskatu dio Gobernuari. Besteak beste, AEBek eta Europar Batasunak ezarri zizkieten Moskuri, Ukraina ekialdean jarduten duten errusiazale separatistei emandako babesagatik.

“Gaur bertan eman dut agindua”, esan du Kremlineko buruak. “Ekonomiaren gaineko presiozko tresna politikoak onartezinak dira, arau guztien aurka doaz”, gaineratu du.

Putinek esan duenez, Gobernuak bere agindua ahalik eta azkarren betetzea espero du, baina Errusiaren erantzunak enpresen eta kontsumitzaileek interesak kontuan izan behar dituela ohartarazi du.

“Kontu handiz egin behar da, produktu nazionalak babesteko, baina, aldi berean, kontsumitzaileak kaltetu gabe”, azpimarratu du presidenteak. Halaber, Errusiako Gobernuak “herrialde batzuek jarritako zigorrentzako neurri jakin batzuk proposatu” dituela azaldu du.