OSCEren begiraleak milizianoen esku daudela jakinarazi dute

Erredakzioa

Bestalde, errusiazale matxinoek salatu dute milizianoen ehun bat gorpuk hiru egun daramatzatela Donetskeko aireportuan.

Orria entzun Orria entzun

Kieveko Independentzia plaza. EFE

Whatsapp
Whatsapp
twitt
Bidali
Esteka kopiatu

Albisteak (6)

Europako Segurtasun eta Lankidetzarako Erakundearen (OSCE) lau begirale errusiazale matxinoen esku daudela onartu du gaur Viatxeslav Ponomariov Slavianskeko alkateak.

"Badakigu non dauden Donetsken desagertu ziren lau begiraleak. Ondo daude. Denbora jakin batez inora ez joateko esan genien arren, lauk ez ziguten jaramonik egin eta atxiki egin genituen", adierazi du.

Lau ikuskatzaileak asteartean desagertu ziren, eta Ukrainako Atzerri ministroak atzo esan zuen "errusiazaleen esku" daudela.

Matxinoek Ukrainako Gobernuarentzako espioitzan aritzea leporatzen diete begirale horiei. Dena den, Ponomariovek egindako iragarpenaren arabera, baliteke "datozen orduetan" aske uztea, "nortzuk diren eta nora eta zertara zihoazen argitzen dugunean".

Errusiazaleen ehun bat gorpu, Donetskeko aireportuan

Halaber, errusiazale matxinoek salatu dute milizianoen ehun bat gorpuk hiru egun daramatzatela Donetseko aireportuan, astelehenean Ukrainako indarren eta matxinoen arteko borrokaldietan izandako istiluen ostean.

"Gure kalkuluen arabera, aireportuaren barruan, eta bertara joateko sarbideetan, 100 gorpu inguru daude. Hainbat egun daramatzate, eta ez digute ateratzen uzten", azaldu du Andrei Purgin Donetskeko errepublika popularraren ministroordeak.

Errusiak gasa ekainaren 3an moztuko dio Ukrainari, ordaintzen ez badu

Errusia ekainaren 3an hasiko da gas-horniduran murrizketak egiten Ukrainari, aurrez ekaineko kontsumoaren faktura ordaintzen ez badu, Vladimir Putin buru izan den bileran Aleksei Miller Gazprom konpainiako kontseilari delegatuak azaldu duenez.

"Ukrainako gure kideei ekainari dagokion faktura bidali zaie. Ukrainak dirua ematen ez badu, gas-hornidura murrizten hasiko da, ekainaren 3ko 10:00etatik aurrera", azaldu du Millerrek.