Mundua
Krisia Krimean
Erredakzioa
Tentsio militarra areagotu egin da, Ukrainako soldadu bat hil baita astearte honetan.
Albisteak (3)
Bideoak (1)
Tropa errusiazaleek Ukrainako Armadaren bi base indarrez hartu dituzte asteazken honetan Krimeako penintsulan.Hain zuzen ere, Novoozernoye herriko basean eta Sebastopol hiriko kuartel nagusian barrena egin dute. Ukrainako Armadako militarrek alde egin dute bertatik, amore emanda, antza denez.
Komandanteak barruan daude oraindik, eta Krimeako ehunka herritar ere daude bertan, mitin bat egiten. Zibilek Errusiako bandera jarri dute, eta herrialde horretako ereserkia abestu dute.
Hedabideen arabera, manifestariek amore emateko eta eurekin bat egin edo Krimeatik alde egiteko eskatu diete soldadu ukrainarrei.
Kieveko Gobernuak Igor Teniuj Defentsa ministroa eta Vitali Jarema lehen ministroordea bidali ditu Krimeara, gatazka konpontzen saiatzeko, baina Sergei Axionov Krimeako lehen ministroak ez diela penintsulan sartzen utziko ohartarazi du.
Bruselak laguntza gehiago eskaini dio Ukrainari
Bestalde, Europako Batzordeak Ukrainari epe ertainean 1.000 milioi euro gehiago ematea proposatu du, herrialdeari laguntzeko.
Proposamena Europar Batasuneko Ministroen Kontseiluan onartu beharko dute.
Duela gutxi, 610 milioi euro eman zizkioten Ukrainari. Hogeita zortziek 11.000 miloi emango dizkiote orotara.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa