Espioitzan lagundu izana egotzi diete Frantziari eta Espainiari

Frantziako eta Espainiako milioika herritar herrialde horietako inteligentzia zerbitzuek eurek espiatu zituztela eta, ondoren, informazio hori NSArekin partekatu zutela argitaratu du The Wall Street Journal egunkariak. AEBko funtzionarioak aipatzen ditu egunkariak albiste horren iturri gisa. Horren arabera, AEBko eta Europako aliatuak defendatzeko asmoz egin zuten.

NSAko buruak ukatu egin du Europan miaketa telefonikoak bildu izana

Keith Alexander NSAko buruaren hitzetan, ''gezurra'' da AEBko agentziak ustez Europan egindako espioitza masiboaren inguruan kaleratutako informazioa.

"Lege barruan bildutako datuak eta nazioarteko gure kideek emandako datuak dira gure iturriak'', azaldu du.

"Beti legea betez" lan egiten dutela esan du CNIko zuzendariak

Bestalde, Felix Sanz Roldan CNI Espainiako Inteligentzia Zentro Nazionaleko zuzendariak adierazi du erakunde hori ''beti legea betez'' aritzen dela, eta Kongresuko Sekretu Ofizialen Batzordean agerraldia egiteko prest azaldu da, ustezko espioitzaren inguruan hitz egiteko.