Mundua
Txostena
Erredakzioa
"Siriako gatazkan zibilen aurka arma kimikoak erabili dituztela da ondorioa", baieztatu dute ikuskatzaileek.
Damaskon (Siria), abuztuaren 21ean, gertatutako erasoan sarin gasa erabili zutela baieztatu dute Nazio Batuen Erakundeko ikuskatzaileek. Erasoan 1.400 pertsona hil ziren. Froga "argiak eta sinesgarriak" aurkitu dituztela adierazi dute ikuskatzaileek.
Ake Sellstrom irakasleak zuzendutako taldeak Siria abuztuaren amaieran bisitatu zuen. Bildutako frogak kontuan hartuta txostena egin dute aditu independenteek, eta aurreneko orrialdean arma kimikoen erabilera baieztatu dute.
Sirian bildutako lagin medikoak eta kimikoak froga "argiak eta sendoak" direla ziurtatu dute ikuskatzaileek. Adituen arabera, gas sarina zuten suziriak erabili zituzten erasoan.
"Siriako gatazkan zibilen aurka, baita adingabeen kontra ere, arma kimikoak erabili dituztela da ondorioa", baieztatu dute Nazio Batuen Erakundeko ikuskatzaileek.
Arma kimikoekin egindako erasoen 14 salaketa jaso ditu NBEko ikerketa batzordeak.
Egiletza, zalantzan
Erasoak nork egin dituen oraindik argitu ez dutela azaldu du Sergio Pinheiro legelari taldeko presidenteak.
"Erantzukizunak eta erabilitako substantziak ez ditugu zehaztu", esan du legelari brasildarrak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa