Mundua
Saio nuklearra
Erredakzioa
EITB
Ipar Koreak, bestalde, AEBen kontrako ''eraso nuklear prebentiboa'' egiteko mehatxua egin du.
NBE Nazio Batuen Erakundearen Segurtasun Kontseiluak Ipar Korearen kontrako zigor berriak onartu ditu ostegun honetan, aho batez, joan den hilean Piongiangeko Gobernuak egindako saio nuklearraren aurrean. Ipar Koreak, bestalde, AEBen kontra ''eraso atomiko prebentiboa'' egiteko mehatxua egin du gaur bertan.
AEBek eta Txinak bultzatutako ekimena bati esker, Ipar Koreari ezarritako zigorrak gogortu ditu NBEk. Onartutako neurri berriek finantza arloari eragiten diote bereziki.
Hala, estreinakoz, Ipar Koreako diplomazialarien ''legez kontrako jarduerak'', bertako bankuek atzerrian dituzten harremanak eta ''eskudirua erabiliz legez kanpoko transferentziak'' zigortuko dituzte. Halaber, Ipar Koreako funtzionarioen bidaiei murrizketa latzagoak ezarriko dizkiete.
Ipar Korearen mehatxua
Piongiangeko Gobernuak, bestalde, aldez aurretik erantzun die neurriei, eta AEBen kontra ''eraso atomiko prebentiboa'' egiteko mehatxua egin du gaur bertan. Etxe Zuriari ''gerra atomikoa'' hastear egotea leporatu dio, eta, arrisku horrek ''bere interesak defendatzera'' bultzatuko duela ohartarazi du.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa