Bi pertsona ikerketapean Iruña-Veleiako aztarnategiaren ustezko espoliazioagatik
Ertzaintzaren Ingurumen eta Hirigintza Ataleko Kultura Ondarearen aurkako delituak ikertzen dituzten agenteek Iruña Okako (Araba) Iruña-Veleia aztarnategi arkeologikoko ondare historikoaren aurkako etengabeko espoliazio bat ikertu dute, Eusko Jaurlaritzaren Segurtasun Sailak jakitera eman duenez. Bi gizon identifikatu dituzte, hainbat pieza arkeologiko eta txanpon eskuratu ostean.
Gertakariak 2024. urtearen zati batean eta 2025. urtearen hasieran gertatu ziren, eta Ertzaintzaren Miñoien Atalaren eta Arabako Foru Aldundiaren Museo eta Arkeologia Zerbitzuaren laguntzarekin egin dute ikerketa.
Gertaeren berri izan ondoren, Ertzaintzaren talde berezi horretako agenteek zaintza-dispositibo bat abiatu zuten Iruña-Veleiako aztarnategiaren inguruan. Horrela egiaztatu ahal izan zuten ustezko egileak asteko egun desberdinetan joaten zirela, beti gauez, metal-detektagailuekin, eta metalezko objektuak bilatzen zituztela, ondoren palak eta aitzurrak erabiliz lurpetik ateratzeko, inolako metodologia arkeologikorik gabe.
Horren aurrean, Foru Aldundiko adituek kezka agertu zuten, objektu historikoak lapurtzeaz gain, balio handiko informazio zientifiko eta historikoa atzera bueltarik gabe galtzea eragiten ari zirelako; izan ere, aurkitutako piezen testuinguru arkeologikoa datatu eta ulertzeko, garrantzitsua da dauden lekua, sakonera eta egoera behatzea, eta metodologia egokia erabili behar da horretarako, ez ikertuek erabiltzen zutena.
2025eko apirilaren 18ko goizean, Miñoien Ataleko agenteek bi gizon identifikatu zituzten eta bi metal-detektagailu eta bi pala atzeman zizkieten, baita metalezko bost pieza arkeologiko eta txanpon batzuk ere. Atzemandako aztarna arkeologikoak Arabako Arkeologia Museora (BIBAT) bidali zituzten.
Horrez gain, eginbideak ireki dituzte horien kontra, aztarna arkeologikoak espoliatzea eta ondare historikoan kalteak eragitea egotzita. Epaileak noiz deituko zain geratu dira.
Ana del Val Arabako Kultura diputatuak Radio Euskadin adierazi duenez, "denbora asko" zeramaten ondare historikoa "kontrolatzeko lanean eta espoliazioa jazartzen". "Salaketak jarri ditugu delitu zantzuak atzeman ditugunean", eta "orain Ertzaintzari eta epaileei utzi behar zaie lan egiten", esan du.
Albiste gehiago gizartea
'Aita Mari' ontziak migratzaileak zeramatzaten bi ontzi lagundu ditu, Mediterraneo erdialdera abiatu eta ordu gutxira
Horietako batek 15 migratzaile zeramatzan, tartean bost haur eta hiru emakume; besteak, 30 pertsona, horien artean zazpi adingabe. Aljeriatik iritsitakoak, bidaiari gehienak Saharaz hegoaldeko Afrikakoak dira.
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
?fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Ostiral epela Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.