450 kilo speed konfiskatu dituzte Bizkaian, sustantzia horren aurka Europan egindako operazio handienean
Polizia Nazionalak speed kantitate handiak ekoizten eta banatzen zituen talde kriminal bat desegin du Bizkaian, Kolonbiako Poliziarekin elkarlanean. Guztira, 450 kilo speed konfiskatu dituzte, —merkatuan 14 milioi euroko balioa izan zezakeena— sustantzia horren trafikoaren aurka Europan sekula egin den operazio handienean.
Horixe adierazi dute Marisol Garmendia Espainiako Gobernuak EAEn duen ordezkariak eta Jesus Herranz polizia buruak ostegun honetan Basaurin egindako prentsaurrekoan.
Horrez gain, astean 500 kilo speed ekoizteko moduko laborategi klandestino bat desegin dute, Zeberion (Bizkaia).
Guztira, bost miaketa egin dituzte Zeberion, Turtziozen, Barakaldon, Igorren eta Galdamesen. 450 kilo speed ez ezik, 140 kalamu landare, 10 kilo kalamu kukulu, 7.500 euro eskudirutan, bost ibilgailu, arma bat eta droga ekoizteko eta banatzeko materiala konfiskatu dute.
Oraingoz zazpi pertsona atxilotu dituzte, 40 eta 53 urte bitarteko sei gizon eta emakume bat, talde kriminaleko kide izatea eta droga trafikoa leporatuta. Bilboko Instrukzioko 1. Epaitegian deklaratu ondotik, zazpi atxilotuetako hiru espetxean sartu dituzte: burua, "sukaldaria" eta Zeberioko laborategi-baserriko bizilagunetako bat.
Talde kriminaleko burua enpresari arrakastatsu bat dela adierazi dute, eta droga trafikoan irabazitako dirua ezkutatzeko enpresak erabiltzen zituela.
Polizia operazioak zabalik jarraitzen du eta ez dute baztertzen atxiloketa gehiago egitea.
Albiste gehiago gizartea
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.
Zarrakazteluko sutea freskatzen eta kontrolatzen jarraitzen dute
Gauean bertan lan egin duten suhiltzaileei txandaka egiten zaie lan 8:00etatik. Suhiltzaileek freskatze-lanak eta puntu beroen kontrola egingo dituzte asteazken goizean.