Gizon batek 36 urteko bikotekidea hil du Haron (Errioxa)

Agentziak | EITB Media

Publikatuta: 2025/04/25 21:11 (UTC+2) Azken eguneratzea: 2025/04/25 21:32 (UTC+2)

Hilketa 19:00ak aldera gertatu da, eta erasotzaileak ihes egin du emakumea hilda aurkitu duten etxebizitzatik. Ordu erdi geroago, Guardia Zibilak gizona aurkitu eta atxilotu du.

Hilketa matxista Haron (Errioxa). Irudia: Europa Press

Whatsapp
Whatsapp
telegram
twitt
Bidali
Esteka kopiatu

Gizon bat atxilotu dute Haron (Errioxa), hilketa matxista bat egotzita, ikerketako iturriek baieztatu dutenez.

Hilketa 19:00ak aldera gertatu da, eta hasierako datuen arabera, erasotzaileak ihes egin du 36 urteko emakumea, bere bikotekidea, hilda aurkitu duten etxebizitzatik. Ordu erdi geroago, Guardia Zibilak gizona topatu du.

Krimen horren izaera matxista baieztatzen bada, dagoeneko 11 emakume hil dituzte aurten bikotekideek edo bikotekide ohiek Espainiako Estatuan.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta/edo deitu doako telefono hauetara: 900 840 111 (EAEkoa), 016 (Espainiako Estatukoa) edo 3919 (Iparraldekoa, eguneko 24 orduetan erabilgarri, igande eta jaiegunetan 09:00etatik 18:00etara izan ezik). Ez dute fakturan arrastorik uzten, baina bai telefonoan. Beraz, ez ahaztu ezabatzea.