Gizartea
ezbeharra
Gizon baten gorpua aurkitu dute Zornotzan, hondakinak birziklatzeko enpresa batean
EITB MEDIA
Goizeko 09:00ak aldera topatu dute hilotza, eta Ertzaintzak ikerketa abiatu du gorpua norena den zehazteko eta gertakariak argitzeko.
-
Argazkia: EITB MEDIA
Gizon baten gorpua aurkitu dute Zornotzan, hondakinak birziklatzeko enpresa batea, Eusko Jaurlaritzako Segurtasun Sailak adierazi duenez. Ertzaintzak ikerketa abiatu du gertatutakoa argitzeko.
Goizeko 09:00ak aldera, hiri-hondakinak birziklatzen dituen enpresa batetik deia jaso du Ertzaintzak eta jakinarazi diote gorpu bat izan zitekeena ikusi dutela edukiontziak biltzeko kamioi batek bere hondakinak hustu dituenean.
Durangoko ertzain-etxeko agenteak eta osasun langileak bertaratu direnean egiaztatu dute gizonezkoa hilda zegoela. Ertzaintzak ikerketa jarri du martxan gorpua norena den zehazteko eta gertakariak argitzeko.
