Gizartea
ARMAK
30 bat errifle atzeman dituzte Bilboko portuan, Erresuma Batura bidean
Agentziak | EITB MEDIA
Konfiskatutako 32 errifleek ez zituzten edukitza, merkataritza eta zirkulazio-baldintzak betetzen. Materiala garraiatzen zuen armagintza-enpresak arau-hauste administratibo bati egin behar dio aurre.
-
Atzemandako armetako bat. Argazkia: @gcivilbizkaia
Guardia Zibilak 32 errifle konfiskatu ditu Bilboko Portuan. Errifle horiek ez zituzten betetzen edukitza, merkataritza eta zirkulazio-baldintzak, eta Erresuma Batura bidean zeuden.
Salgaien kontrol fiskal batean egin dute operazioa, eta konfiskatutako errifleak Armak eta Lehergaiak Kontrolatzeko Unitatean utzi dituzte.
Bizkaiko Guardia Zibilak sare sozialetan jakinarazi duenez, materiala eramaten zuen armagintza-enpresak arau-hauste administratibo bati egin behar dio aurre.
(1/4)
— Guardia Civil Bizkaia (@gcivilbizkaia) April 15, 2025
¿ ¿ Durante un control fiscal de mercancía en el @BilbaoPort, intervenimos 32 rifles con destino #ReinoUnido que no cumplían los requisitos de tenencia, comercio y circulación.#ParaServirYProteger #062 #Fiscalyfronteras #armas #intervencióndearmas pic.twitter.com/5sVvauccEv
