Gizartea
BIZKAIA
Gizon bat atxilotu dute, Leioan, pisukide bati olio irakina bota eta besteari mailuaz eraso egiteagatik
agencias | eitb media
Gizonak zauriak eragin zizkion biktimetako bati buruan, besaurrean eta saihetsetan; eta erredurak aurpegian eta lepoan, besteari.
Ertzaintzak 62 urteko gizonezko bat atxilotu zuen atzo Leioan pisukide bat mailuarekin jotzeagatik eta beste pisukide bati olioa irakiten jaurtitzeagatik.
Eusko Jaurlaritzaren Segurtasun Sailak jakitera eman duenez, bi zaurituak ospitalera eraman zituzten, lehenengoa Urdulizera eta bigarrena Gurutzetara.
Gizonak mailuarekin jo zuen biktimetako bat, eta lesioak eragin zizkion buruan, besaurrean eta saihetsetan, eta besteari erredurak eragin zizkion aurpegian eta lepoan irakiten zegoen olioa jaurtita.
