Gizartea

Sutea

Zazpi pertsona artatu dituzte eta eraikin bat erortzeko arriskuan dago Zornotzan, sute baten ondorioz

EITB MEDIA

Publikatuta: 2025/03/28 13:14 (UTC+1) Azken eguneratzea: 2025/03/28 15:54 (UTC+1)

09:45 aldera piztu da sua, eta eraikina jendez hustu badute ere, zazpi pertsona artatu behar izan dituzte. Horietako lau, gainera, ospitalera eraman dituzte.

0:24

• Whatsapp
• Whatsapp
• telegram
• twitt
• Bidali
• Esteka kopiatu

Sute bat izan da goizean Zornotzan, Luis Urrengoetxea kaleko etxebizitza batean, EITB Mediak jakin duenez.

09:45 aldera piztu da sua, eta eraikina jendez hustu badute ere, zazpi pertsona artatu behar izan dituzte. Horietako lau, gainera, Galdakaoko ospitalera eraman dituzte.

Segurtasun Sailaren arabera, hiru solairuko eraikin baten lehen solairuko etxebizitza batean gertatu da sutea, Zornotza erdigunean.

13:00etarako itzali dute sua, baina suhiltzaileek eraikina itxi dute, erortzeko arriskuan dagoelako, eta kale hori itxi dute.