Gizartea
Drogak
1,4 tona kalamu-polen atzeman dituzte Biriatuko mugan, kamioi batean ezkutatuta
Agentziak | EITB Media
Joan den igandean konfiskatu zuten, A-63 errepideko ordainlekuan, trafiko-kontrol batean, 21:00ak aldera, eta kamioilaria atxilotu zuten. Uste da atzemandako kopuruak 14 milioi euroko balioa duela merkatuan.
Lapurdiko agintariek gaur jakitera emani dutenez, 1,4 tona kalamu-polen atzeman dituzte Biriatuko mugan, Espainiako Estatutik zetorren kamioi batean ezkutatuta.
Baionako Fiskaltzaren arabera, igandean konfiskatu zuten, A-63 errepideko ordainlekuan, 21:00ak aldera, eta kamioilaria atxilotu zuten.
France Bleu kateak adierazi duenez, atxilotua Espainiako Estatuko herritar bat da. Kalkuluen arabera, atzemandako 1,4 tonek 14 milioi euroko balioa dute merkatuan.
