Gizartea
Bizkaia
Bost labana zeramatzan gizon bat atxilotu dute Barakaldoko dantzaleku baten atean
agentziak | eitb media
Beste gizon bati mehatxu egin dio diskotekaren sarreran, gaur goizaldean.
Ertzaintzak bost labana zeramatzan eta gizon bati mehatxu egin dion gizon bat atxilotu du Barakaldoko dantzaleku baten atarian, Eusko Jaurlaritzaren Segurtasun Sailak jakitera eman duenez.
04:45ean gertatu da guztia. Gizonak labana bat zuen esku bakoitzean, beste hiru gerrian, eta agenteetako baten aurka oldartu da patruila bat bertaratu denean.
43 urteko gizona atxilotu egin dute, mehatxu larriak egitea eta autoritatearen aurkako atentatua egotzita, eta polizia-etxera eraman dute, epailearen aurrera eraman aurretik egin beharreko izapideak betetzera.
