Gizartea
Atxiloketa
Gizon bat atxilotu dute Getxon edukiontzi bat erretzen saiatzeagatik
Agentziak | EITB Media
Ostiral gauean, Algortan, zerbitzuz kanpo zegoen udaltzain batek gizon bat sutan zegoen paper bat edukiontzi batera botatzen ikusi du.
34 urteko gizon bat atxilotu dute Getxon, papera eta kartoia biltzeko edukiontzi bat erretzen saiatzeagatik, Udalak ohar baten bidez jakinarazi duenez.
Ostiral gauean, Algortan, zerbitzuz kanpo zegoen udaltzain batek gizon bat sutan zegoen paper bat edukiontzi batera botatzen ikusi du. Agentearekin batera zegoen pertsonak papera edukiontzitik atera du, eta agenteak ustezko egilea atzeman, eta gertatukoaren berri eman du.
Bertaratutako patruilek gizona atxilotu dute, kalteak eragitea egotzita. Eginbideak amaitutakoan utziko dute epailearen esku.
