Gizartea
Bizkaia
Motozale batek hanka anputatu du Bilbon, istripu larri batean
EITB MEDIA
Zumalakarregi kalean gertatu da. Zauritua Basurtuko Ospitalera eraman dute.
Motozale batek hanka moztuta amaitu du zirkulazio-istripu larri bat izan ostean Bilbon, 20:00ak aldera, Zumalakarregi kaleko 56. zenbakiaren parean. Udaltzaingoa eta Ertzaintza bertaratu dira.
Ertzaintzako agente batek gidariaren gorputz-adar anputatua jaso eta inguruko establezimendu batera eraman du, izotzetan gordetzeko. Bitartean, mediku taldeek tornikete bat jarri diote zaurituari odoljarioari eusteko.
Motozalea Basurtuko Ospitalera eraman dute.
