Gizartea
Ezbeharra
Pertsona bat hil da Tolosan, N-1 errepidean izan den trafiko-istripuan
EITB MEDIA
17:00etan gertatu da ezbeharra, Tolosako irteeran, Beasainera bidean. Ibilgailua bidetik atera eta irauli egin da. 44 urteko Lasarteko gizonezkoa da hildakoa.
Trafiko-istripu larria izan da gaur arratsaldean Tolosan, N-1 errepidean. Ertzaintzak eitb.eus-i jakinarazi dionez, pertsona bat hil da istripu horretan, gidatzen zuen autoa bidetik atera eta iraulita.
17:00etan gertatu da ezbeharra, Tolosako irteeran, Beasainerako noranzkoan.
Suhiltzaileak eta anbulantzia bat bertaratu dira, baina osasun-langileek ezin izan dute ezer egin istripua izan duen auto-gidaria onik ateratzeko. 44 urteko Lasarteko gizonezkoa da hildakoa.
Istripuaren ondorioz, Tolosako irteera itxi dute, eta auto-ilarak sortu dira N-1ean.
Ertzaintzak ikerketa abiatu du gertatutakoa argitze aldera.
