Gizartea
Nafarroa
Eskalatzaile bat hil da Ziordian, Aranbeltz mendian, 10 metroko altueratik erorita
EITB MEDIA
40 urteko mendizale gasteiztarra neska-lagunarekin zegoen istripua gertatu denean. Hain zuzen ere, emakumeak berak eman die larrialdi zerbitzuei gertatutakoaren berri.
-
Larrialdi zerbitzuak istripua gertatu den tokian. Argazkia: Sos Nafarroa
Mendizale bat hil da gaur, igandea, Ziordian (Nafarroa), Aranbeltz mendian, 10 metroko altueratik erorita, Foruzaingoak eitb.eus-i baieztatu dionez.
40 urteko mendizale gasteiztarra neska-lagunarekin zegoen istripua gertatu denean. Hain zuzen ere, emakumeak berak eman die larrialdi zerbitzuei gertatutakoaren berri.
12:55ean jazo da istripua, eta larrialdi zerbitzuetako langileek ezin izan dute ezer egin gizona onik ateratzeko.
