Gizartea
GERTAKARIA
Bi gazte atxilotu dituzte Getxon, Gobelako futbol-zelaian telefono mugikorrak lapurtzeagatik
EITB MEDIA
Atxilotuak, gizon bat eta emakume bat, Gobelako kirol-instalazioetara sartu ziren irailaren 29an. Futbol-partida bat jokatzen ari ziren jokalariak kanpoan zirela aprobetxatuz, kanpoko taldearen aldageletan sartu ziren, eta haien gauzak lapurtu zituzten.
Ertzaintzak 18 eta 23 urteko bi gazte atxilotu dituzte ostegun goizean Getxon, Gobela futbol-zelaiko aldageletan telefono mugikorrak lapurtzea egotzita.
Atxilotuak, gizon bat eta emakume bat, Gobelako kirol-instalazioetara sartu ziren irailaren 29an. Futbol-partida bat jokatzen ari ziren jokalariak kanpoan zirela aprobetxatuz, kanpoko taldearen aldageletan sartu ziren, eta haien gauzak lapurtu zituzten.
Biktimek Ertzaintzaren aurrean salatu zuten hainbat telefono mugikor, dokumentazioa, diru-kopuru txikiak eta beste objektu pertsonal batzuk lapurtu zizkietela, kreditu-txartelak, garraio-txartelak edo kirol-arropak tartean.
