Gizartea
Sutea Bizkaian
78 urteko gizon bat larri zauritu da Muskizen izandako sute batean, kea arnastuta
EITB Media
Garrak gauerdia pasatxo piztu dira etxebizitza batean. Gizonaz gain, bi pertsona eta txakur bat artatu behar izan dituzte, horiek ere kea arnasteagatik. Etxebizitzak kalte material handiak ditu.
78 urteko gizon bat larri zauritu da Muskizko (Bizkaia) etxebizitza batean izandako sutean, kea arnastuta. Gurutzetako Ospitalera eraman dute.
Eusko Jaurlairtzako Segurtasun Sailak baieztatu duenez, sua 00:00ak inguruan piztu da, Glorieta kaleko etxe batean.
Abisua jasota, suhiltzaileak, Ertzaintza eta osasun zerbitzuak bertaratu dira. Suhiltzaileek etxebizitzaren jabea eta txakurra erreskatatu behar izan dituzte, eta lehen sorospenak egin. Gerora, baina, gizona erietxera eraman dute, erredurak baitzituen eta kea arnastuta intoxikatu baita.
Incendio #Muskiz, realizamos RCP y colocamos oxigeno al perro rescatado, que trasladamos a veterinario ante reacción favorable ¿¿
— Bomberos y Bomberas Bizkaia (@BomberosBizkaia) October 1, 2024
Muskiz sutea, BBB egin eta oxigenoa jarri genion erreskatatutako txakurrari, eta albaitariarengana eraman genuen, erreakzio ona izanez gero ¿¿ https://t.co/ptgNdi0yPF pic.twitter.com/cvy14F9uzH
Gizonaz gain, beste bi pertsona artatu dituzte, kea arnasteagatik.
Sutea 01:00ak aldera amatatu dute. Etxebizitzan kalte material handiak izan dira, suhiltzaileen arabera.
