Gizartea
Trafikoa
Pertsona bat zauritu da bi ibilgailuren arteko talkan, Derion
agentziak | eitb media
Ezbeharra N-633 errepidean gertatu da, Bilborako noranzkoan, eta auto-ilarak sortu dira.
Pertsona bat zauritu da N-633 errepidean bi ibilgailuren artean izandako talkan, gaur goizean, Derion (Bizkaia), Bilborako noranzkoan.
Eusko Jaurlaritzaren Segurtasun Sailak jakitera eman duenez, istripua 07:50 aldera gertatu da.
Talkaren ondorioz ibilgailuen bateko bidaiaria zauritu egin da, eta Gurutzetako Ospitalera eraman dute.
Ezbeharrak auto-ilarak eragin ditu Bilborako noranzkoan.
