Gizartea
Emakumeen aurkako indarkeria
Gizon batek emaztea hil du Sevillan arma zuri batekin
Agentziak | EITB Media
Ondoren, erasotzailea bere burua zauritzen saiatu da eta ospitale batera eraman dute, atxilotuta.
58 urteko gizon batek bikotekidea hil du arma zuri batekin, asteazken honetan, Sevillan. Ondoren, erasotzailea bere burua zauritzen saiatu da, eta ospitalera eraman dute. Han dago atxilotuta, Poliziaren zaintzapean.
Ikerketaren gertuko iturrien arabera, gizonak adin bereko emakumeari eraso dio goizeko 10ak aldera, Sevillako Pino Montano auzoan. Emakumearen alabak eman dio gertatutakoaren berri Larrialdiak Koordinatzeko Zentroari, aita harekin harremanetan jarri baita ama hil duela esateko .
Gobernuak Sevillan duen Ordezkariordetzak jakitera eman duenez, VioGén sisteman ez zegoen genero-indarkeriagatiko aurretiazko salaketarik.
