Gizartea
Trafikoa
Hainbat kilometroko auto ilarak Irunen Baionarantz, oporren itzulera operazio betean
EITB Media
AP-8an, Irunen, Baionako noranzkoan, 6 kilometrokoak ziren ilarak 22:20an. Arratsaldean, 10 kilometrorainokoak izan dira, baina orduek aurrera egin ahala egoerak bere onera egin du.
-
Trafiko astuna Irunen, larunbat gauean.
Afrika iparraldean nahiz iberiar penintsulan uda igaro eta Europa aldera oporretatik bueltan den jendetzaren ondorioz, auto ilarak sortu dira larunbat arratsaldean Irunen, AP-8an, Baionarantz, eta gaueko lehen orduetan ere antzeko egoera izan da muga aldean.
20:30ean, ia 10 kilometrokoak ziren ilarak, eta ia Oiartzun pareraino iristen ziren. Egoera are gehiago zaildu du arratsalde erdialdera gertatu den eguraldi aldaketak eta euriak.
22:20an 6 kilometrokoak ziren oraindik, baina orduek aurrera egin ahala egoerak bere onera egin du.
