Pertsona bat zauritu da Basaurin, A-8an, kamioi batek eta ibilgailu batek talka egin ondoren

Pertsona bat zauritu da astelehen honetan kamioi batek eta bi autok talka egin ondoren, A-8 autobidean, Kantabriarako bidean, Basauri parean.

Ertzaintzak jakinarazi duenez, istripua arratsaldeko 15:15ak aldera gertatu da, eta zirkulazioa eten behar izan dute. Basauritik bideratu dute, istripua izan duten ibilgailuak errepidetik kendu arte.

Autoetako bat irauli egin da talkaren ondorioz, eta zauritua Gurutzetako Ospitalera eraman dute anbulantzian.