Gizartea
EZBEHARRA
Gizon bat larri zauritu da Murchanten, bigantxa batek adarkatuta
AGENTZIAK | EITB MEDIA
43 urteko gizona helikoptero medikalizatuan eraman dute Iruñera, Nafarroako Unibertsitate Ospitalera, zauri larriak baitzituen.
43 urteko gizon bat larri zauritu da igande honetan Murchanten, bigantxa batek adarkatuta.
Iturri ofizialek jakitera eman dutenez, zauritua Tuterara eraman dute lehendabizi, Reina Sofia Ospitalera, baina zaurien larritasuna ikusita, Iruñera eraman dute ondoren, Nafarroako Unibertsitate Ospitalera, helikoptero medikalizatu batean.
Herriko jaiak ospatzen ari dira Murchanten, eta 12:00etan askatu dituzte bigantxak. Horietako batek harrapatu du gizona.
