Gizartea
Gertakaria
Bi atxilotu eta lau zauritu Elorzko jaietan izandako borroka jendetsu batean
Agentziak | EITB Media
Nafarroako Foruzaingoak eta Noaingo Udaltzaingoak egin dituzte atxiloketak. Ez dute gertakari horren inguruko bestelako daturik eman.
-
Atxiloketa Elortzen. Argazkia: Foruzaingoa
Foruzaingoak bi gazte atxilotu ditu Elorzko jaietan (Noain Elortzibar), arma zuriak erabiliz izandako borroka jendetsu batean parte hartzea egotzita. Lau pertsona zauritu dira: hiruk labankadak jaso dituzte, eta besteak begian kolpe bat.
Borroka goizaldean gertatu da, bertako jaietan, eta atxilotuak 18 eta 19 urteko bi mutil dira, polizia-iturriek EFEri baieztatu diotenez.
Foruzaingoak bere gain hartu du gertatutakoa argitzeko ardura, eta ikerketa abiatu du. Hala ere, oraindik ez dute gertaera horren inguruko bestelako daturik eman. Foruzaingoa Noaingo Udaltzaingoarekin batera bertaratu da borroka izan den tokira.
Bi atxilotuak polizia-etxera eraman dituzte, zaurituek salaketa noiz jarriko zain. Aurreikuspenen arabera, astelehenean eramango dituzte epailearen aurrera.
