Gizartea
Mendiko istripua
Mendizale nafar bat hil da Huescako Pirinioetan, erori eta harri batekin burua kolpatu ondoren
Agentziak | EITB Media
Hildakoak 54 urte zituen, eta tafallarra zen. Goriz aterpetik gertu erori da, Fanlo udalerrian (Huesca).
-
Goriz aterpea (Huesca). Irudi: Flickr
Tafallako (Nafarroa) 54 urteko mendizale bat hil da gaur, Goriz aterpetik gertu erorita, Fanlo udalerrian (Huesca), eta harri batekin buruan kolpea hartuta.
Guardia Zibilak jakinarazi duenez, 14:00ak aldera jaso dute abisua, eta, Boltañako GREIMa martxan jarri ostean, Benasqueko Aire Unitateak eta 061 larrialdi zerbitzuetako medikuak eremuaren gainetik hegan egin eta biktima aurkitu dute.
Emakumearen gorpua Boltañara eraman dute helikopteroan, eta handik Zaragozako Auzitegi Medikuntzako Institutura.
