Gizartea
EGURALDIA
Heldu da enbata eta, horrekin batera, tenperaturek behera egin dute
EITB MEDIA
Zehazki, Galean 39 ºC-tik 31 ºC-ra jaitsi da tenperatura 10 minutuan.
Igandeko bero-bolada bortitzaren ostean, enbata sartu da Bizkaiko kostaldetik eta tenperaturak behera egiten ari dira. Zehazki, Galean 39 ºC-tik 31 ºC-ra jaitsi da tenperatura 10 minutuan.
Haizeak mendebal ipar-mendebaldera egin du Galean, 63 km/h-ko boladarekin, eta Bizkaitik hedatuko da Hego Euskal Herri osora.
Enbata Bilbora ere heldu da jada. Zorrotza izan da 60 km/h-ko haize-bola eta tenperaturen jaitsierak nabaritu duen lehenengo auzoa. Tenperaturek, hain zuzen, 40 ºC-tik, 36 ºC-ra jaitsi dira lehenengo ordubetean.
Astelehenean, berriz, tenperaturak nabarmen egingo du behera, 20 ºC inguruan mantenduko da Hego Euskal Herrian. Hala eta guztiz ere, beroagatik ezarritako abisu horiak indarrean jarraituko du egun osoan zehar.
Gainera, arratsalderako, asteko lehen zaparradak espero dira ere.
¿#Orain #Ahora #AbisuHoria #enbata
— Euskalmet (@Euskalmet) August 11, 2024
¿ Haizeak ipar-mendebaldera egin du Zorrotzako estazioan, Bilbon, ia 60 km/h-ko boladarekin. Tenperatura 40 ºC-tik 36 ºC-ra jaitsi da. Punta Galean tenp. orain: 24 ºC.
¿ El viento también ha girado a noroeste en Zorrotza (Bilbao), con una… pic.twitter.com/PtJLuR6kfb
