Gizartea
Garraio publikoa
Metro Bilbaoren zerbitzua martxan da berriz ere Leioa eta Ibarbengoa artean, katenariako matxura konponduta
eitb media
Enpresak jakinarazi duenez, "arazo teknikoengatik" egin dute etenaldia 06:00 aldera, eta bost ordu behar izan dute konpontzeko. Goizeko 11:00etan berriz ere lehen trena atera da, behar den frogak egin ondotik.
-
Metro Bilbao, artxiboko irudian. Artxiboko argazkia: EFE
Metro Bilbaok zerbitzua berriz ere martxan jarri du Leioa eta Ibarbengoa arteko 1. linean, ostegun honetako lehen orduan katenarian izandako arazo teknikoak konpondu ondoren.
Enpresak jakinarazi duenez, matxura konpondu ondoren, probak egin dituzte goizeko lehen orduan izandako arazo teknikoak errepikatzen ez zirela egiaztatzeko, eta 11:00ak pasata atera da lehen trena Plentziatik, Bilborako noranzkoan.
Etenaldia, 06:00ak aldera izan da, eta matxura konpontzeko bost ordu behar izan dituzte.
