Gizartea
Indarkeria matxista
Aske utzi dute Garesen sexu-erasoa egitea leporatuta atxilotutako gizona
EITB Media
Biktimak ez du salaketarik jarri oraindik, eta epaileak ez dio kautelazko neurririk ezarri atxilotuari. Foruzaingoak gertatutakoa ikertzen jarraitzen du.
-
Elkarretaratzea Garesen. EITB Media.
Aske utzi dute Garesen (Nafarroa) emakume bati sexu-erasoa egitea leporatuta larunbat goizaldean atxilotu zuten gizona, Iruñeko 4 zenbakiko Instrukzio Epaitegiak aginduta. Kasu honetan, ez da kautelazko neurririk hartu atxilotuaren aurka, gertakarien biktimak ez duelako salaketarik jarri oraindik. Foruzaingoak ikertzen jarraitzen du.
Garesko aisialdirako lokal bateko komunetan sexu-erasoa jasan zuela jakinarazi zuen emakume batek larunbat goizaldean. Lokaleko segurtasun-langileek Foruzaingoari deitu zioten, eta agenteek ustezko erasotzailea atxilotu zuten, dantzalekuan bertan.
Foruzaingoak azaldu duenez, jendea ustezko erasotzailea jipoitzen saiatu zen.
Gaur, dozenaka pertsonak elkarretaratzea egin dute Garesen, erasoa gaitzesteko.
