Gizartea
Nafarroa
82 urteko gizon bat hilik aurkitu dute putzu batean, Tafallan
EITB Media
Ostiraleko 18:50 aldera aurkitu dute, Quiñongo baratzeetan dagoen lursail batean. Dirudienez, istripua izan du eta putzuan erori da, nahi gabe.
82 urteko gizon bat hilik aurkitu dute putzu batean, Tafallan (Nafarroa), EITBk jakin duenez. Ostiraleko 18:50 aldera aurkitu dute, Quiñongo baratzeetan dagoen lursail batean.
Tafallako Udaltzaingoa bertaratu da lehendabizi, eta suhiltzaileek atera dute gorpua putzutik.
Foruzaingoak ikerketa abiatu du, baina, lehen zantzuen arabera, gizonak istripua izan du eta putzuan erori egin da, nahi gabe.
