Gizartea
Gipuzkoa
Lehenengo karabela portugesak atzeman dituzte Donostiako hondartzetan
AGENTZIAK | EITB MEDIA
Hainbat orduz bandera horia jarri dute Donostiako hondartzetan, hainbat ale ikusi eta Santa Klara uhartearen inguruan pertsona batek ziztada bat jaso ostean.
-
Karabela portugaldar bat Donostian. Argazkia: Joseba Ona
Uda honetako lehenengo karabela portugesak atzeman dituzte igande honetan Donostiako Kontxako badian, Donostiako Udaleko iturriek baieztatu dutenez. Gutxienez pertsona batek jaso du marmoka horietako baten ziztada bat.
Hainbat orduz bandera horia jarri dute Donostiako hondartzetan, 10:00ak aldera Santa Klara uhartearen inguruan pertsona batek ziztada bat jaso ostean. Karabela portugesaren zenbait ale ikusi dituzte, "ez asko", iturri horien arabera, eta ez dira bainatzeko eremuan sartu.
Horiek jaso eta badia ikuskatzen ibili ostean, bandera berdea jarri dute berriro hondartzetan.
