Gizartea
BIZKAIA
Bilboko meskita baten aurka egindako erasoa salatu dute, bi kristal hautsi ondoren
Agentziak | EITB MEDIA
Nerea Melgosa Ongizate, Gazteria eta Erronka Demografikoko sailburuak erasoa salatu du eta babesa adierazi dio Euskadiko komunitate islamiarrari. Ertzaintzak ikerketa abiatu du, gertatutakoa argitzeko eta egilea nor izan den jakiteko.
-
Bilboko meskita baten aurka egindako erasoa. EITB Mediaren bideo batetik hartutako irudia
Bilboko meskita bateko jabeek haien gurtza-lekuaren aurkako erasoa salatu dute, meskita horren bi kristal hautsi ondoren.
Asteartean jarri zuten salaketa, eta Ertzaintzak ikerketa abiatu du, erasoa argitzeko eta egilea nor izan den jakiteko.
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak, bere aldetik, erasoa deitoratu du X sare sozialean zabaldutako mezu batean: "Horrelako ekintzak ezin dira egin giza eskubideak babesten eta aniztasuna errespetatzen dituen herrialde batean. Gure gaitzespenik irmoena egintza koldar honi. Gure babes osoa Euskadiko komunitate islamiarrari".
¿¿ La mezquita Badr de Bilbao ha sufrido un ataque esta noche. Acciones como esta no caben en un país que ampara los derechos humanos y respeta la diversidad. Nuestra más rotunda repulsa a este cobarde acto. Todo nuestro apoyo a la comunidad islámica de Euskadi.
— Nerea Melgosa (@nerea_melgosa) July 2, 2024
